Colabora

Colabora co proxecto e convértete nun Gardián da Costa dos Castros!

En Costa dos Castos (asociación sen ánimo de lucro) desenvolvemos diversas accións para a captación de recursos económicos que lle permitan, xunto coas achegas das comunidades de montes, nos permiten levar a cabo as accións de recuperación, posta en valor e difusión do patrimonio arqueolóxico.

Se tes interese en colaborar connosco a través dunha achega económica, informámoste de que dentro de pouco lanzaremos varias iniciativas coas que poderás contribuír ao proxecto.

En breve actualizaremos este apartado con toda a información.

Únete ao noso equipo de Gardiáns da Costa dos Castros!

 

Campañas de crowdfunding

Á hora de captar fondos tamén temos desenvolvido algunhas campañas de crowdfunding, xunto coa empresa británica Digventures.

Nestes momentos non temos ningunha activa, pero se queres coñecer en que consistiron as anteriores, aquí tes un vídeo da de 2016:

A Asociación Costa dos Castros lanza con DigVentures a segunda campaña de crowdfunding, e ti podes participar! Se te gusta a arqueoloxía e a historia, se te atraen os petróglifos ou a natureza, segue lendo para saber como unirte ao equipo.

Que queremos conseguir?

Temos tres liñas de acción principais. A principal e máis custosa, unha escavación en outubro de 2016 no castro da Cabeciña. O obxectivo é escavar unha cabana que quedou parcialmente destapada na escavación de 2015 e que vai axudarnos a comprender mellor este castro e como vivían os seus habitantes.

Durante a escavación imos implantar o Equipo Dixital de Escavación, unha app desenvolvida por DigVentures e adaptada especialmente para Costa dos Castros, para que todos os datos arqueolóxicos da escavación estean dispoñibles online. Así calquera persoa en calquera parte do mundo poderá acceder ao rexistro arqueolóxico e ver os achados da escavación – pura ciencia cidadá.

Outra prioridade para a comunidade de Costa dos Castros é conservar o petróglifo de Auga dos Cebros. Este gravado de arte rupestre é a única representación coñecida dun barco mediterráneo milenario na costa atlántica europea. A Comunidade de Montes de Pedornes, na que está este petróglifo, non ten fondos para garantir a súa conservación, debido a un grave incendio forestal que sufriu en 2008.

Precisamente os incendios forestais son un dos principais problemas que afectan aos montes galegos. As Comunidades de Montes de Costa dos Castros están replantando árbores autóctonas que diminúen o risco de incendios e recuperan a flora e fauna danada. Coa campaña de crowdfunding imos plantar un bosque autóctono para o desfrute dos veciños e en beneficio da vida animal dos nosos montes.

Como podo participar?

Podes contribuír dende a plataforma de DigVentures: www.digventures.com/projects/costa-dos-castros-2016/

Aí atoparás as diferentes opcións de contribución, que varían dende ser membro do  Equipo Dixital de Escavación por 12€ a converterte nun “Embaixador do Atlántico” e pasar unhas vacacións culturais na Costa dos Castros.

  • Arqueólogo Dixital (12€)

Con esta contribución uniraste el Equipo Dixital de Escavación para vernos traballar sen moverte de casa. Recibirás retransmisións en directo dende a escavación no castro da Cabeciña, novidades en exclusiva e poderás preguntarnos sobre calquera aspecto da arqueoloxía que estás vendo en pantalla.

  • Replantando a Historia (25€)

Estamos replantando en Oia un bosque autóctono con árbores micorrizadas, é dicir, inoculadas con esporas de fungos, grazas á colaboración de Hifas da Terra, que vainos doar 5 árbores de cada 10 que se merquen a través do crowdfunding. Con esta contribución, plantaremos unha árbore para ti, gravaremos o teu nome nun cartel á entrada do bosque e enviarémoste fotos do proceso. + Arqueólogo Dixital

  • Esplendorosa Idade do Bronce (45€)

Para agradecerte a túa colaboración, recibirás unha nova edición con deseño renovado da nosa camisola A Barca de Pedra, que representa o petróglifo Auga dos Cebros. E ADEMAIS darémosche un broche moi especial dun machado de talón como o que atopamos no castro d’A Cabeciña para levar xunto coa túa camisola. + Arqueólogo Dixital

  • Entra na Idade do Ferro (65€)

Mandarémoste unha camisola , un broche do machado e ADEMAIS plantaremos unha árbore para ti. + Arqueólogo Dixital + Replantando a Historia + Esplendorosa Idade de Bronce

  • Arqueoloxía Comestible (130€)

Costa dos Castros ten unha riqueza gastronómica excepcional. Apetéceche degustala? Mandarémoste unha caixa gourmet A Cabeciña, repleta dalgunhas exquisiteces da zona, incluíndo mirabeles do Rosal, pementos recheos de chanquetes e dúas botellas da nosa cervexa A Cabeciña. Saúde! + Arqueólogo Dixital

  • Embaixador do Atlántico (580€)

Entra en escena e vén pasar unha semana connosco; amosámoste o mellor de Costa dos Castros! Ademais da súa gastronomía e viños, convidámoste a saír das rutas turísticas para coñecer xacementos escondidos e as súas historias secretas, ademais de un tour íntimo de Santiago de Compostela. Fechas: 12-16 septiembre 2016 Inclúe: Aloxamento e almorzos, xantares e ceas.

Agora xa estás coas mans na fariña de verdade. Vén pasar unha semana connosco e te formamos en arqueoloxía. Estarás na escavación dende o primeiro día… Quen sabe o que descubrirás? Se algunha vez quixeches ser arqueólogo ou arqueóloga, esta é a túa oportunidade. Datas: 11-16 outubro OU 17-23 outubro 2016 Inclúe: Aloxamento e almorzos, xantares e ceas.

Máis información

Hai unha chea de información sobre Costa dos Castros, a nosa comunidade e os seus xacementos arqueolóxicos na nosa páxina web en DigVentures: digventures.com/costa-dos-castros/gl/

Se queres preguntarnos calquera cousa non dubides en contactarnos a costadoscastros@gmail.com.