Visitas Guiadas

Visitas Guiadas Costa dos Castros Oia Galicia Rías Baixas

 

VISITAS GUIADAS E OUTRAS ACTIVIDADES PARA DESCUBRIR A COSTA DOS CASTROS

Para gozar de todo o que ofrece a Costa dos Castros non tes máis que poñerte calzado cómodo e saír á aventura. Pero se, en vez de visitar Oia por libre, queres descubrir todos os segredos que garda o noso patrimonio, podes contactar con nós para organizar algunha saída para grupos.

Ademais, ao longo do ano facemos campañas especiais de visitas guiadas gratuítas.

INFORMACIÓN SOBRE A ANDAINA POLA RUTA MÁXICA DE OIA

Como ben sabedes, a andaina pola Ruta Máxica de Oia programada para Semana Santa foi suspendida por mor do mal tempo. En breve informaremos sobre a nova data. Desculpade as molestias!

*ANDAINA SUSPENDIDA POLO MAL TEMPO, PENDENTE DE NOVA DATA.

A Ruta Máxica ten un percorrido lineal duns 18 km e dificultade baixa. Comezaremos na parroquia de Santa María de Oia e, tras pasar por Pedornes e Viladesuso, remataremos o traxecto en Mougás, no barrio da Mata. Percorreremos os seguintes puntos: A Pedreira, A Pousadela, Sobreiras do Faro, Pozas de Mougás e A Cabeciña.

 

IMPORTANTE: Deberedes traer as vosas bebidas e bocadillos, porque, ademais das paradas explicativas onde falaremos dos diversos puntos de interese patrimonial, faremos unha parada específica para o xantar.

A actividade é gratuíta e require inscrición (nome+apelidos+DNI). Podedes informarvos no número de teléfono 689.35.57.13 e no correo electrónico costadoscastros@gmail.com.

 

Para máis información sobre as actividades e visitas guiadas de Costa dos Castros podedes contactar con nós no teléfono 689.35.57.13 ou no correo electrónico costadoscastros@gmail.com  

          

Segue as contas de Facebook e Twitter de Costa dos Castros para non perderte nada!